Algortako Biotz Alai eta Areetako Ondarreta abesbatzek, Getxoko Udalaren laguntzaz, elkartasun kontzertu bi eskainiko dituzte eta bertan bildutako diru guztia Haitira zuzenduko da. Kontzertuak ostiralean, hilaren 12an, Romoko San Jose parrokian, 20:15ean, eta larunbatean, hilaren 13an, 20:00etan, Algortako Bariko San Nikolas elizan izango dira.

Getxoko alkateak, Imanol Landak, eskainitako prentsaurrekoan aitortu du ekimen hau dela eta harro dagoela “askotan, udalerrian, hainbat eta hainbat elkartek duten konpromisoaren adibide garbia delako. Getxoko Udalak 6.000 euroko premiazko diru-laguntza onartu du jada, Eudelen bitartez bideratuko dena, baina ekimen hau, agian, are garratzitsuagoa da herritik sortu delako, udalerrian ezagunenetarikoak eta adierazgarrienetakoak diren bi abesbatzetik, hain zuzen. Horrek getxoztarrek besteen sufrimenduaren aurrean duten konzientzia eta izaera solidarioa adierazten du”.

Biotz Alairen presidenteak, Txema Batarritak, eta Ondarretarenak, Pablo-Diaz Guardaminok
Ere, beren ilusioa adierazi dute ekimen honen aurrean, euren esanetan, orain arte oso harrera ona izan baitu (izan ere, hasi dira dohaintzak jasotzen euren egoitzatan). Halaber, argi utzi nahi izan dute abesbatzak lagunak direla, bien artean oso harreman ona dagoela eta ziurrenera, etorkizunean, elkarlaneko beste ekimen batzuetan ikusi ahal izango direla.


Kontzertuek elkarrekin egingo dute, hau da,
biek abestuko dute bi kontzertutan eta biek abestuko dute erlijio pieza batzuk eta euren errepertorioetako herriko abestirik ezagunenak.

Abesbatza bakoitzak 1.000€ ipiniko ditu ekimen honetarako eta jasoko duten diru guztia Nazioarteko Caritas elkarteari emango diote. Halaber, kontu korrontea zabaldu da BBKn dohaintza eman nahi duten guztientzat. Honako izenean: “Coro Biotz
Alai. Ondarreta-Biotz Alai pro Haiti”
2095 002200 9110331024.

Nazioen Batasuna Elkarteak Caritasi Pétionville Country Club izeneko kanpamenduaren kudeaketa egotzi dio. Bertan, egunez 20.000 pertsona hartzen dituzte eta 50.000 gauez. Elkarte horrek 32 eleiz sare eta 58 apaiz jarri ditu martxan Haitin. Haiek elkartasun-laguntza behar handiagoa dutenei emango dietela
bermatuko dute.

(*) Adierazpenak eta argazkiak eskuratzeko: http://www.getxo.net/prensa.
Pasa-hitza: fotosycortes

Ohar honen hedapena eskatzen dizuegu.Aldez aurretik,beti eskaintzen diguzuen arreta eskertzen dizuegu. Begirunez.